Ást blaðamanna á neikvæðni

Finnst fólki ekkert undarlegt það fréttamat fjölmiðla að fjalla með ýtarlegum hætti um þessi mótmæli nokkurra einstaklinga þegar nánast ekkert var fjallað um þann atburð í vor þegar 400 einstaklingar komu saman á Álverssvæðinu í vor til að slá Skjaldborg um Álver í Helguvík? Staðreyndin er sú að blaðamenn hafa að því er virðist engan áhuga á jákvæðum fréttum aðeins neikvæðum. Það er afskaplega sorglegt og ekki beint það sem Íslendingar þurfa á að halda í dag.

 

Hættu mótmælum

Skynsöm þjóð

Íslendingar vilja ekki inngöngu í ESB enda skynsöm þjóð. Samfylkingin er reyndar ekki sammála því enda er aðild að ESB eina mál þess stjórnmálaflokks. Samfylkingarmenn á þingi beittu sér gegn því að þjóðin fengi að kjósa um það hvort fara skyldi í aðildarviðræður, skiljanlega þar sem það hefði verið fellt. Það er alvarlegra að sú atkvæðagreiðsla sem fara skal fram um aðildarsamning þegar hann liggur fyrir verður ekki bindandi. Lýðræðisástin nær þannig ekki út fyrir eigin hagsmuni Samfylkingarinnar enda er fyrirséð sú tilvistarkreppa sem flokkurinn mun lenda í þegar eina málinu þeirra hefur verið hafnað af þjóðinni.

Fleiri andvígir aðild að ESB

Takk fyrir mig

Það er alltaf gaman að koma til Vestmannaeyja enda Eyjamenn með eindæmum skemmtilegir og einstaklega gestrisnir. Þjóðhátíðin í ár afskaplega vel heppuð enda annað varla hægt í þeirri rjómablíðu sem ríkti í Dalnum. Breytingin á stóra sviðinu kom mjög vel út og gott að hægt var að finna leið til að stækka þann hluta brekkunnar sem nýtist til að sjá á sviðið.

Bónus á ferðina til Eyja var að sjálfsögðu að fá útsýnisflug yfir framkvæmdir við Landeyjahöfnina sem ganga mjög vel og gott að sjá sandinn fara sífellt grænkandi vegna framkvæmda Landgræðslunnar.

Takk kærlega fyrir mig ágætu Eyjamenn.

Frábær þjóðhátíð

Frekari niðurskurður framundan

Allir landsmenn gera sér grein fyrir því að niðurskurður er framundan hjá hinu opinbera. Hann verður erfiður og við eigum öll eftir að finna fyrir honum.  Mikilvægt er að við þann niðurskurð verði beitt skýrri forgangsröðun þannig að ljóst sé að allir sitji við sama borð. Mikið er talað um að vernda þurfi heilbrigðiskerfið, menntakerfið og velferðarkerfið og það er auðvitað rétt en því miður ekki raunhæft. Skera þarf niður á öllum sviðum. Krafan til allra ríkisstofnana er sú að vel sé farið með þá fjármuni sem fyrir hendi eru. Ef haldið er rétt á spilunum verður efnahagslægðin skammvinn þó maður hafi ýmsar efasemdir um það í dag að við séum á réttri braut með þá ofuráherslu sem lögð er á inngöngu í ESB og hina hörmulegu samninga við Breta og Hollendinga í Icesave-málinu.

Ég tel augljóst og hef alltaf sagt að forgangsröðun við niðurskurð í ríkisrekstrinum verði að taka mið af því fyrst og fremst að öryggi landsmanna sé tryggt. Þar á áherslan að liggja að mínu viti. Við eigum gríðarlega sterkar grunnstoðir í okkar samfélagi, stoðir sem við eigum að hlú að og er lögreglan ein af þeim.

Lögreglan vinnur gríðarlega mikilvægt starf oft við mjög erfiðar aðstæður. Mikilvægt er að starfsaðstæður séu með þeim hætti að ekki verði atgervisflótti úr stéttinni.

Alltaf einhver útköll útundan

Að standa með sjálfum sér

Í þessu máli sem og öðrum sem tengjast hruni bankanna og endurreisn íslensks efnahagslífs er mikilvægast af öllu að þingmenn sem þjóðin öll taki þá ákvörðun að standa með sjálfri sér.

Sú ákvörðun að hafna ríkisábyrgðinni kemur til með að hafa afleiðingar en við getum einfaldlega ekki látið bjóða okkur hvað sem er. Samningarnir eru haldnir það miklum ágöllum að ekki er verjandi að samþykkja ábyrgðina. Auk þess er ekki í boði að mínu mati að láta komandi kynslóðir borga brúsann án þess að spurningunni um hvort okkur beri að borga hafi verið svarað. Ef við stöndum ekki með okkur sjálf þá gerir það enginn annar.

Áfram Ísland.

Stjórnarliðar gegn ríkisábyrgðinni

Orkan er okkar sterkasta vopn til framtíðar

Það er gríðarlega alvarlegt mál ef virkjanaframkvæmdir við Hverahlíð frestast lengi. Framtíð okkar er björt ef við náum að byggja á þeim sterku stoðum sem við eigum. Erlendir fjárfestar hafa mikinn áhuga á að fjárfesta hér í grænum iðnaði. En til þess að af því megi verða þá þarf að virkja. Því verður að leggja allt kapp á að búa svo um hnúta að framkvæmdir við virkjanir bæði á Hellisheiði og í Þjórsá komist á skrið hið allra fyrsta.

Við Íslendingar eigum færustu sérfræðing heims varðandi nýtingu vatnsafls og jarðvarma og gjöfular auðlindir á því sviði. Það er okkar sterkasta vopn til framtíðar ásamt háu menntunarstigi þjóðarinnar, öflugum sjávarútvegi, landgæðum, sterku lífeyrissjóðakerfi og því almenna hugarfari landsmanna að vilja bjarga sér.

 

 

Hverahlíðarvirkjun frestast vegna óvissu í fjármögnun

Skúffuskýrslan komin í leitirnar

Enn og aftur upplifum við það hér á þinginu að frétta af mikilvægum gögnum varðandi stór mál úti í bæ. Tilgangur ríkisstjórnarflokkanna með þessari leyndarhyggju er mér óljós með öllu þar sem stjórnarliðar eru duglegir við að tala fjálglega um lýðræði, gagnsæi og vönduð vinnubrögð þegar þeir eru í ræðustóli.  Allt í orði - ekkert á borði

Bændasamtökin fagna skýrslu um áhrif ESB-aðildar

Að fylgja eigin sannfæringu

Ég hef í ræðum mínum hér á Alþingi kallað eftir því að stjórnmálamenn sýni hugrekki og kjark til þess að standa með íslensku þjóðinni á þessum tímum þar sem sótt er að okkur úr öllum áttum. Háttvirtur þingmaður Ásmundur Einar Daðason hefur sýnt slíkt hugrekki og því full ástæða til að hrósa honum í hástert fyrir það. Hann er trúr stefnu VG sem flokksmenn kynntu kjósendum í nýliðinni kosningabaráttu þess efnis að ekki væri ástæða til inngöngu né aðildarumsóknar að ESB.

Ég benti honum líka á að stjórnmálamenn sem standa fast á sinni sannfæringu eru líklegir til að ná árangri og jafnframt að það er líf eftir samstarf við Samfylkinguna. Það er líf er snöggtum betra ef menn hafa haft kjark til að fylgja eigin sannfæringu.  

Sjálfstæðismenn hrósa Ásmundi

Að standa með sjálfum sér

Aldrei hefur verið mikilvægara fyrir íslenska þjóð að eiga hugrakka stjórnmálamenn sem hafa kjark til að standa með sannfæringu sinni og ekki síður að standa með sjálfum sér og Íslandi. Það liggur í loftinu að til standi að samþykkja þessa samninga þar sem synjun hafi áhrif á umsóknarferli okkar Íslendinga um aðild að ESB.

Breskir fjölmiðlar eru búnir að fjalla um tengingu þessara tveggja mála, hvers vegna gera íslenskir fjölmiðlar það ekki?

 

 

Icesave-deilan vekur athygli í Bretlandi

Forgangsröðun samgönguráðerrans

Öllum Íslendingum er ljóst að fara þarf vel með peninga og ráðstafa þeim fjármunum sem ákveðið er að nýta til framkvæmda á skynsamlegan hátt. Þar leikur forgangsröðun lykilhlutverk. Yfirlýsingar samgönguráðherra í fjölmiðlum í gær og afskaplega óskýr og í raun óskiljanleg svör ráðherrans í fyrirspurnartíma Alþingis í gær varpa ekki ljósi á það á hvaða forsendum ráðherrann byggir þá afstöðu sína að Suðurlandsvegurinn sé ekki forgangsmál. Þingmenn Suðurkjördæmis hafa óskað eftir fundi með ráðherranum sem fyrst til að fara yfir málið. Vonandi verður töluð íslenska á þeim fundi.

 

Vilja forgangsraða aftur