Að fylgja eigin sannfæringu

Ég hef í ræðum mínum hér á Alþingi kallað eftir því að stjórnmálamenn sýni hugrekki og kjark til þess að standa með íslensku þjóðinni á þessum tímum þar sem sótt er að okkur úr öllum áttum. Háttvirtur þingmaður Ásmundur Einar Daðason hefur sýnt slíkt hugrekki og því full ástæða til að hrósa honum í hástert fyrir það. Hann er trúr stefnu VG sem flokksmenn kynntu kjósendum í nýliðinni kosningabaráttu þess efnis að ekki væri ástæða til inngöngu né aðildarumsóknar að ESB.

Ég benti honum líka á að stjórnmálamenn sem standa fast á sinni sannfæringu eru líklegir til að ná árangri og jafnframt að það er líf eftir samstarf við Samfylkinguna. Það er líf er snöggtum betra ef menn hafa haft kjark til að fylgja eigin sannfæringu.  

Sjálfstæðismenn hrósa Ásmundi