Hitnar undir valdhöfum í verkalýðshreyfingunni?

Það er eðlilegt að launafólk sé gagnrýnið á störf þeirra sem fara með stjórnartaumana í verkalýðshreyfingunni. Stjórnendur lífeyrissjóðanna hafa mikil völd í sínum höndum enda er íslenska lífeyrissjóðakerfið mjög sterkt þrátt fyrir að umtalsverðir fjármunir hafi tapast þar í hruninu. Breytingar á kerfinu eiga ekki endilega mjög upp á pallborðið hjá þeim sem þar stjórna samanber viðbrögðin við hugmynd okkar sjálfsstæðismanna frá því í sumar um breytingar á skattlagningu lífeyrissjóðsgreiðslna.

 

  

 

Launafólk taki yfir sjóðina

Athugasemdir

[Páll A. Þorgeirsson (IP-tala skráð) 20.9.2009 kl. 15:46]

Sjálfstæðismenn eru langt frá því að vera einhverjir "sakleysingjar" í valdakerfi lífeyrissjóðanna.  Það er löngu tímabært að hreinsa til í valdaklíkum þeim sem stjórna lífeyrissjóðum landsmanna.  Sú hugmynd að "venjulegt launafólk" taki yfir stjórn lífeyrissjóða er góð en best væri að hver og einn fengi sjálfur að ákvarða hvernig hann ávaxtaði sinn lífeyrissparnað og skylduaðild að lífeyrissjóðum ætti að afnema.  Það eru ýmsar leiðir öruggari en að leggja sparnaðinn í hendur "valdamanna" í stjórnum lífeyrissjóða, svo ég tali nú ekki um sparnaðinn sem skapaðist við að leggja niður "hálaunastörf" stjórnenda þeirra.  Það hefur berlega komið í ljós að stjórnendur lífeyrissjóða landsmanna eru ekki starfi sínu vaxnir þrátt fyrir "ofurlaun" og öll sú "ábyrgð" sem þeim störfum ætti að fylgja er aðeins orð á blaði.  Að lokum, afnemum verðtryggingu strax, allt blaður um að hún sé fyrst og fremst til að "tryggja" eigendum sjóðanna örugg eftirlaun er bull og aðeins áróðurskjaftæði hjá stjórnendum lífeyrissjóða.  Verðtrygging er ekkert annað en "loftbóluskrípaleikur" í hagkerfi landsins.  Verðtryggingin er "ágæt" fyrir vanhæfa stjórnendur (og þeir eru of margir) í "fjármálakerfi" landsins, "flótti frá raunveruleikanum" og skapar aðeins stærri vandamál en hún leysir til lengri tíma litið.