Að virkja náttúruöflin

Athyglivert að þeir hjá Mitsubishi séu komnir inn í það að skoða virkjun sjávarfallanna á Íslandi. Margir hafa skoðað þetta í gegnum tíðina en þessi aðferð við að beisla orku hefur þótt mjög dýr. Japanarnir vinir okkar hafa án efa bolmagn til að leggja verkefninu til fjármagn og þekkingu sem gæti haft verulega þýðingu á framþróun tækninnar á þessu sviði.

Við þurfum nú sem aldrei fyrr að hafa augun opin fyrir spennandi tækifærum sem þýða aukin atvinnutækifæri og sköpun gjaldeyristekna.

Japanar skoða sjávarfallavirkjun á Vestfjörðum

Athugasemdir

[Atli (IP-tala skráð) 24.9.2009 kl. 09:26]

Góðan dag,

Glæsilegt, bara frábært framtak ;-)  Dáist alltaf af möguleikanum fyrir þessu í Gilsfirði/Þorskafirði og allt í kringum okkur á Reykhólum. 

Ps. Skynja ég nettan hroka frá þingmanni Unni Brá með bloggi hennar?  Með það í huga er vert að benda henni á að í þessu tilfelli er það afstætt hvað er dýri og ekki dýrt þegar allt er tekið inní reikninginn, þ.e. fjármagskostnað, umhverfisáhrif, afkasta stöðulgleika o.s.frv.  Til að mynda er þetta einn helsti vaxtamöguleikinn er stjórnvöld í Bretlandi horfa á til að leysa þeirra svo bráð aðkallandi orkuskort á næstu misserum ;-)

Lifið heil, áfram Ísland. 

Kv.

Atlinn

[Unnur Brá Konráðsdóttir, 24.9.2009 kl. 10:27]

Sæll Atli og takk fyrir að lesa. Skil ekki hvar þú sérð hrokann, það er einhver misskilningur. Vona svo sannarlega að þessi kostur verði mögulegur í framtíðinni. Félagi minn hér á Suðurströndinni hefur mikið verið að skoða þessa hluti enda horfir hann á ölduna brotna á svörtum Landeyjasandi daginn út og inn og hefur áhuga á að nýta kraftinn. Áfram Ísland

[Jon Hj. Magnússon (IP-tala skráð) 25.9.2009 kl. 17:22]

Blessuð,

sammála þér um að áhugavert sé að skoða af fullri alvöru virkjun sjávar á nokkrum stöðum kringum landið. Þróun á þessu sviði er veruleg seinustu fimm árin.
Árið 1992 lét ég sænska fyrirtækið Vattenfall AB skoða tæknilega möguleika og hagkvæmni  sjávarfallavirkjunar í þverun Gilsfjarðar.
Reyndist ekki hagkvæmt þá. Vert að skoða aftur og þá samhliða virkjun Mjóafjarðar til að jafna út sveiflur sjávarfalla norðan og sunnan Vestfjarðarkjálkans.
bkv
Jón Hjaltalín Magnússon, verkfr.